L'arcandje

L' arcandje Gabrî
Ala vey Marîye
«Vos metroz, di-dju,
Å monde li Bon Diu.»

Rif.: Rafyîz, rafyîz,
Rafyîz-vos, Marîye.

«Dji so mô sbarêye,
Mins nén co maryêye.
[ Ajouter un commentaire ] [ Aucun commentaire ]

# Posté le samedi 15 août 2009 18:03

Lucis creator optime.

Lucis creator optime.
Lucis creator optime.

Tecse: Tmotoit Saint Grigore li Grand.
Ratournaedje: Djôr.
Pårticion: vaici (minme vuze k' ene ôte).
Asteme: Les "e" mouwets, on n' els tchante nén!

Signeur, vos k' a prustî l' loumire,
Ki loume li djoû et l' daegne etire,
Vos aspurdîz l' loumire foû d' rén,
Å cmince do monde ki vs fîz foirt bén.

Il mane al aviesprêye djondou.
Avou l' matén c' esteut li djoû.
La k' i frè noer so les vicants,
Schoûtez noste ime cwand nos vs houcans.

K' on n' tuze pont d' må e li spexheur.
Come li solea s' abaxhe asteure,
Ki nos n' fouxhanxhe nén fén saetchîs
La foû del veye po les petchîs.

K' on nos droveye les ouxhes do cir,
Spårgnîs po l' må d' ouy et d' aeyir;
K' on s' ripintixhe come des calins,
K' on fouxhe wårdé d' tos les velins.

Foirt milouteu, Bon Diu, nosse Pére,
Ewal å Fi et å Sint Spér,
Tot ç' k' on vs dimande, boutez-l' d' adrame,
Vos k' ringne eshonne ametername. Åmen.
[ Ajouter un commentaire ] [ Aucun commentaire ]

# Posté le lundi 25 août 2008 05:06

Hail the day that sees him rise.

Hail the day that sees him rise.
Wai li djoû k' i monte å cir.

Tecse: Tchåle Wesley.
Ratournaedje: Djôr.
Pårticion: vaici (minme vuze k' on tchant d' Påke).
Asteme: Les "e" mouwets, on n' els tchante nén!

Wai li djoû k' i monte å cir - Alelouya!
Et so l' trone i s' va-st ashir - Alelouya!
Li Bedot del redimpcion - Alelouya!
Monte å cir al Ascinsion - Alelouya!

Après lu, li moirt est moite.
K' on rileve les viyès poites,
La k' il a l' victwére et l' pouxhe;
Po k' i mousse, drovîz les ouxhes!

Minme k' il est a droete do Pére,
I voet co voltî vosse tére,
Ashidou so s' bele tchaiyire,
Et schoûter totes nos priyires.

I rglatixhe come on grand Rwè,
Avou s' mwin i fwait ene crwès,
La do cir k' i nos benixhe
Totes les djins e l' sinte Eglijhe.

Por nozôtes i djåze å Pére,
La k' il a tos les pouvwérs,
Et nos aprester ene plaece,
Po les flåwes et les stocaesses.

Vos, Signeur ki dmore å cir,
Rimouwez nos cours di pire,
Et les rmete so vosse boune voye,
K' i våynuxhe å cir del djoye.

Avou vos et avou l' Pére,
Rashonnés avou l' Sint Spér,
E vosse ringne nos fjhoz monter,
Po tote ene eternité.
[ Ajouter un commentaire ] [ Aucun commentaire ]

# Posté le samedi 23 août 2008 12:34

Adoro te devote.

Adoro te devote.
Adoro te devote.

Tecse: Sint Tomas d' Akin.
Ratournaedje: Djôr.
Pårticion: vaici.
Asteme: Les "e" mouwets, on n' els tchante nén!

Adoro te devote

Dji vs adore, Djezus, Vos, Bon Diu k' est prezint,
Et tot l' minme mouchî på-dvins l' Sint Sacramint.
Avou m' cour drovi, djairrè-dju après Vos,
Avou tote mi åme dji m' irè mete a gngnos.

Dji n' voe rén, dji n' ode et dji n' gostêye nerén,
Mins c' est m' foe ki cåze et k' sait todi foirt bén,
Et croere ki Vs estoz l' Bon Diu k' a vnu so l' tére,
Ki dit l' verité, k' est l' evoyî do Pére.

So li croes esteut moucheye vosse Bondiusté;
Et vosse djinnisté moucheye co so l' åté.
Mins dji croe ås deus et vos cfessî asteure,
Avou l' Bon Brigand dji vs fwai fiyåte, Signeur.

Di totes vos froxheures, nole, dji n' el a veyou,
Mins avou l' Tomas dji creye: «Signeur, Bon Diu!».
Fjhoz-mu croere pus foirt et vs schoûter sins moti,
M' agrancî sor Vos et vs vey co pus voltî.

On fiesteye vosse moirt, Signeur k' a raviké,
Vos k' est l' amagnî, li pwin ki fwait viker.
Ki vosse sint soper divegne mi dous paxhisse,
Messe do pwin del veye et l' binamé cålice.

Vos fjhoz rexhe vosse sonk foû, come on pelican,
Po m' laver m' mascheure, po k' dji fouxhixhe vicant.
Di vosse coisse ene gote di sonk k' a stî saetchî
Sait laver tot l' monde et piede tos les petchîs.

Et å monde ki vént, cwand gn årè pus d' arokes,
Disvoelez vs adon po k' dji vs riwaite di stok.
Aclapé å Pére et co å Sint Esprit,
Vos regnîz aeyir, asteure et po todi. Åmen.
[ Ajouter un commentaire ] [ Aucun commentaire ]

# Posté le mardi 29 juillet 2008 11:22

Modifié le jeudi 31 juillet 2008 13:12

Veni Creator spiritus.

Veni Creator spiritus.
Veni Creator spiritus.

Tecse: li Beni Robin Mår (9inme siéke).
Ratournaedje: Djôr.
Melodeye: vaici.

Vinoz, Sint Spér, vos ki prusteye,
Vinoz vey li foe di vos djins
Et si rimpli del gråce do cir
Les pwetrenes ki vs avoz prustî.

Vos k' on croet k' est li Rapåjhteu,
Li bistoke li pus grande do Pere,
Vicant sourdant, ignire, amour,
Et l' ôlmint po froter so l' åme.

C' est vos ki nos bistoke sete côps,
Doet di li droete mwin da Popa,
Cia ki l' Pere nos l' a prometou,
Divize ki fwait moti les vwès.

Espurdoz li loumire ås sinses
Afondrîz l' amour dvins les cours;
Et les flåwès foices di nos coirps
Rimetoz-les so pî tofer.

L' afronteu, tchessîz-l' lon evoye,
Dinez-nos li påye ki tint bén,
Vos ki nos moenne, waitîz al voye
K'on fouxhe schapés d' tos les velins.

C' est vos ki nos fwait sepi l' Pere,
Et cnoxhe si Fi k' i voet voltî,
Et croere e vos todi sins rlaxhe,
Li Sint Spér d' onk et d' l' ôte des deus.

Ki fouxhe beni l' Bon Diu li Pére
Et l' Fi k' a raviké des moirts,
Fouxhoz beni, vos Rapåjhteu,
Disk' a todi et po todi. Åmen.
[ Ajouter un commentaire ] [ Aucun commentaire ]

# Posté le mardi 29 juillet 2008 10:49

Modifié le mardi 29 juillet 2008 11:36